Shefi i EULEX-it në Kosovë, Gabriele Muecci, ka thënë sot në Ditën Ndërkombëtare të komunitetit LGBTI se të gjithë njerëzit janë të lirë të jetojnë pa frikë e pa dhunë pavarësisht nga orientimi I tyre seksual.

“Në këtë ditë ne rikonfirmojmë se të drejtat për lezbiket, personat gei, biseksual, transgjinor dhe interseksual (LGBTI) janë të drejta të njeriut të cilat nënvizojnë dinjitetin e çdo personi. Të gjithë njerëzit, pavarësisht nga orientimi seksual i tyre janë të lirë të jetojnë pa paragjykime, frikë, dhunë ose diskriminim”, tha Gabriele Meucci, Shef i Misionit EULEX në Kosovë.

“Unë do të doja të theksoj se EULEX-i e mbështetë mbrojtjen e të drejtave të komunitetit LGBTI, si një pjesë e rëndësishme e sundimit të ligjit, duke u siguruar që këto të drejta të bazohen në parimet themelore të mos-diskriminimit dhe të mbrojtjes së plotë të agjencive për zbatimin e ligjit”, tha ai.

Misioni i EULEX-it do ta shënoj mbështetjen e vet për trajtim të barabartë , tolerancë dhe respektim të diversitetit të komunitetit LGBTI në Kosovë duke e ngritur flamurin me ylber në të gjitha objektet e veta./Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur