Qytetarët francezë në një seri grevash në mbarë vendin për debatin e shkurtimeve në shpenzimet publike, kanë dalë sot masivisht në komuna dhe qytete të ndryshme të Francës.

Në Paris, dolën në rrugë mijëra punëtorë, pensionistë dhe studentë, ku dhe Kulla Eiffel njoftoi mbylljen për turistët.

Sipas burimeve lokale, sindikatat po i bëjnë thirrje kryeministrit të ri, Sebastien Lecornu, të heqë dorë nga masat buxhetore të propozuara nga paraardhësi i tij, të cilat përfshijnë ngrirjen e përfitimeve sociale dhe masa shtrënguese.

Sipas qytetarëve francezë këto masa do të cënojnë më tej fuqinë blerëse të punonjësve me të ardhura të ulëta dhe të mesme.

Sindikatat po ashtu kërkojnë rritje të taksave për shtresat më të pasura në Francë.

Lecornu, i emëruar kryeministër muajin e kaluar, ende nuk ka paraqitur detaje konkrete të planit të tij buxhetor, dhe nuk ka emëruar ende ministrat e kabinetit, çka pritet të ndodhë në ditët në vijim.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur