Ridvan Muharremit, pronarit i furrës/restaurantit “Bukë e zemër”, të cilit sot iu caktua masa e paraburgimit prej 30 ditësh nga Gjykata Themelore në Prishtinë, analisti Milaim Zeka ia nxorri një fotografi me Kryeministrin e Kosovës, Albin Kurti, në lokalin e tij, ku edhe u prangos dje.
Ridvan Muharremi po akuzohet për keqpërdorime në rezervat e shtetit.
Në foton e publikuar nga analisiti, Milaim Zeka shihet edhe zëvendëskryeministri i Kosovës, Bisnik Bislimi, për të cilin edhe e ka publikuar foton.
“Po e publikoje nje foto me Ridvanin, ma shume hatri Besnik Bislimit, se diqysh ka marak me qene mbrojtes i te gjitha puneve te VV-se”.
Shikimin e Kryeministrit Kurti, Zeka e ka quajtur “vështrim shqiponjash”.
Ndërsa për avokatin Mahmut Halimi, tha se po të ekzistonte ligji nuk do ta kishte ushtruar kurr profesionin e tij.
“Ky Mahmut Halimi, avokati, qe po i jep zor me deklarata, me pas egzistu shteti ligjor, ky, Tom gashiqi, edhe disa te tjere, kurr nuk kishin mujte me ushtru profesionin e tyre. Me ba vaki me pa Albin Kurti se sa miliona euro kane qarkullu neper kontot e tyre, pika i kish ra…!!!”.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
