Milani është i hapur për të lënë Mike Maignan të largohet për çmimin e duhur gjatë verës dhe raportohet se tashmë ka identifikuar një zëvendësues të mundshëm.

“Kuqezinjtë” kanë filluar të planifikojnë për afatin kalimtar të verës dhe po kërkojnë të sjellin tre ose katër përforcime kyçe.

Milani tashmë ka filluar të hartojë listën e dëshirave dhe është i hapur për të shitur edhe lojtarë kryesorë, për të fituar para që pastaj mund t’i investojë në përforcime, ngjashëm me lëvizjen e Sandro Tonalit drejt Newcastle United verën e vitit të kaluar.

Siç raportohet nga “Tuttosport”, “Rossonerët” do të jenë të gatshëm të shesin Maignanin për një ofertë të “majme”, pasi kanë identifikuar goon si zëvendësues të mundshëm.

Portieri i Monzas ka regjistruar rritje viteve të fundit me Monzan dhe vlerësohet lart.

Milani nuk është i vetmi klub italian që ka shprehur interesim për 26-vjeçarin, pasi atë po e ndjekin edhe Interi e Juventusi.

Michele Di Gregorio me Monzan ka kontratë të vlefshme deri në verën e vitit 2027.