Bekim Shabani, ka qenë kandidat për asamble, por s’kishte arritur t’i merrte votat e mjaftueshme për një ulëse brenda kuvendit komunal të Skenderajt, institucion në të cilin është punësuar dje nga Fadil Nura i Partisë Demokratike të Kosovës.

Gazeta Insajderi

Bekim Shabani, militanti i flaktë i Partisë Demokratike të Kosovës, e ka fituar një pozitë pune në komunën e fituar nga Fadil Nura.

Vendimi për punësimin e tij është marrë dje [v.j. 14 prill 2022] nga Njësia për Menaxhimin e Burimeve Njerëzore, dikaster ky që merret me konkurset publike në Skenderaj, zbulon Gazeta Insajderi.

Shabani do të jetë Specialist i Administrimit të Përgjigjëm, pozitë nga e cila do të hartojë plane të punës, do të ofrojë ndihmë në zgjidhjen e problemeve, do të kontrollojë faturat në pajtim me kushtet e kontratës, do të bëjë gati dokumentet për pagesa, do të regjistrojë të gjitha hyrje-daljet në sistemin e E-Pasurisë, etj…

Njeriu i afërt më Partinë Demokratike të Kosovës është zgjedhur më i miri në mesin e 18 aplikanteve, duke grumbulluar 76.2 pikë, zbulon dokumenti të cilin e ka siguruar Gazeta.

Insajderi i ka shkruar Shabanit për ta pyetur rreth konkursit që ai e ka fituar, por i njëjti nuk ka kthyer  

Lidhjet e Bekim Shabanit me Partinë Demokratike të Kosovës

Bekim Shabani, ka qenë kandidat për asamble, por s’kishte arritur t’i merrte votat e mjaftueshme për një ulëse brenda kuvendit komunal të Skenderajt.

Pavarësisht se gjatë gjithë fushatës së zgjedhjeve lokale, Shabani shoqërohej me kryetarin aktual Fadil Nurën, dhe njeriun që ka fuqi brenda PDK-së, Sami Lushtakun, ai nuk kishte mundur të fitojë.

Por, vetëm pak muaj më pas, si për ta shpërblyer për mundin e tij gjatë zgjedhjeve që u mbajtën në nëntorin e vitit të kaluar, pushteti i PDK-së në Skenderaj ia siguroi militantit një vend pune.

Gazeta Insajderi i ka shkruar zyrës për media të Fadil Nurës për ta pyetur rreth konkursit që e ka fituar mbështetësi i tyre, por ende nuk ka kthyer përgjigje.

Përgjigje nuk ka kthyer as Shabani, kur është pyetur nga Gazeta Insajderi, nëse afërsia e tij me PDK-në ka ndikuar që ai të punësohet në komunën e Skenderajt.

Profili i Bekim Shabanit në Facebook është i mbushur me fotografi dhe video nga aktivitet që e zyrtarëve të Partisë Demokratike të Kosovës. /Gazeta Insajderi/