Shqipëria, Kosova dhe Mali i Zi diskutojnë për transportin rrugor dhe hekurudhor, për masat që 3 vendet duhet të marrin për Samitin e 4 korrikut në Paris.

Tre ministrat e Transportit, Edmond Haxhinasto i Shqipërisë, Lutfi Zharku i Kosovës dhe Ivan Brajoviq i Malit të Zi zgjodhën Shkodrën për të diskutuar lidhur me masat që 3 vendet duhet të marrin për Samitin e 4 korrikut në Paris.

Pas diskutimeve kokë me kokë, i vetmi që zgjodhi për të folur për mediat ishte ministri Haxhinasto, i cili shpalosi agjendën e bisedimeve.

Haxhinasto tha se në fokus të takimit kanë qenë masat e buta dhe liberalizimi i tregut mes vendeve tona, si dhe protokollet që do të nënshkruhen për transportin hekurudhor, njofton televizioni publik.

Një tjetër çështje e prekur në këtë takim ishte edhe traktati i përbashkët për transportin, që synon liberalizimin e tregut.