Ministri i Mbrojtjes në Gjermani, Boris Pistorius, sot do të vijë për vizitë zyrtare në Kosovë. Ai do të pritet nga kryeministri i vendit, Albin Kurti, si dhe presidentja Vjosa Osmani.

Përveç me ta, Pistorius do të takohet edhe me homologun e tij në Kosovë, ministrin Ejup Maqedonci.

Takimi do të nisë në orën 13:30.

Ndërkaq në orën 15:00 Maqedonci dhe Pistorius do të shohin për së afërmi kapacitetet profesionale dhe mjetet teknike të Qendrës Ndërkombëtare të Kërkim-Shpëtimit (QNKTSH).