Ministri i Jashtëm i Izraelit, Gideon Sa’ar, ka deklaruar se ndërrimi i regjimit në Iran nuk është objektivi i operacioneve ushtarake të Forcave të Mbrojtjes së Izraelit, megjithëse një zhvillim i tillë mund të ndodhë si pasojë e veprimeve ushtarake.

Deklaratat e tij u bënë gjatë një vizite në qytetin Rishon Lezion, në qendër të Izraelit, i cili kohët e fundit ishte goditur nga sulme raketore iranianem, raporton BBC .

Në prononcimin për gazetarët, Sa’ar tha se Izraeli ka tre objektiva kryesore në këtë fazë të konfliktit:

“Së pari, të dëmtojmë rëndë programin bërthamor të Iranit – ende nuk kemi përfunduar me këtë qëllim,” tha ai, duke shtuar se forcat ajrore izraelite tashmë kanë epërsi në hapësirën ajrore iraniane.

Sipas tij, objektivi i dytë është të dëmtohet rëndë programi i raketave balistike i regjimit iranian, ndërsa i treti është pengimi dhe shkatërrimi i planeve të Iranit për eliminimin e shtetit të Izraelit.

Deklarata e Sa’ar vjen në një moment të tensionuar mes dy vendeve, teksa përplasjet ushtarake dhe kërcënimet reciproke janë intensifikuar ndjeshëm.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!