Ministri i Bujqësisë, Faton Peci ka shkuar për vizitë tek kryetari i ri të Leposaviqit, Lulzim Hetemit.

Peci tha se kryetarit i ka ofruar mbështetjen e Qeverisë së Kosovës, si dhe kanë diskutuar për disa projekte.

“Së bashku me Zëvendësministrin e Brendshëm, Blerim Gashani, kisha kënaqësinë e veçantë të vizitojmë sot në zyrën e tij, Lulzim Hetemin, Kryetarin e Komunës së Leposaviqit. Ia uruam detyrën e re dhe i ofruam tërë mbështetjen e Qeverisë së Republikës së Kosovës. Si Ministër i Bujqësisë, i tregova kryetarit Hetemi për planet e projektet shumë milionëshe për bujqësinë të Ministrisë që unë udhëheq për qytetarët e komunës që ai udhëheq, pa asnjë dallim përkatësie etnike e tjetërfare”, ka theksuar ai.