Ministri turk i Transportit gjobitet për tejkalim të shpejtësisë pas publikimit të një videoje në rrjetet sociale.

Abdulkadir Uraloglu është ndëshkuar për shkelje të rregullave të qarkullimit rrugor, pasi publikoi në platformën X një video ku shfaqej duke ngarë me shpejtësi të lartë në një autostradë pranë Ankarasë.

Në videon, e cila përmbante muzikë popullore dhe fragmente nga fjalimet e presidentit turk, Recep Tayyip Erdogan, shihej qartë se automjeti po lëvizte me shpejtësi nga 190 deri në 225 km/orë — ndonëse kufiri i lejuar në atë rrugë është 140 km/orë.

Türkülerle Ankara-Niğde Otoyolu hatırası… 📹🎶

Yorulduğumuzda Sn. Cumhurbaşkanımızdan ilham alıyor, “Yeterince çalışmadık” diyerek yolumuza devam ediyoruz…#TürkiyeHızlanıyor 🇹🇷 pic.twitter.com/iGToOlTpfD

— Abdulkadir URALOĞLU (@a_uraloglu) August 24, 2025

Disa orë më pas, Uraloglu e ripostoi videon duke konfirmuar se ishte gjobitur për shkeljen.

Ai ndau gjithashtu kopjen e njoftimit zyrtar të policisë, ku deklarohej se po udhëtonte me 225 km/orë dhe për këtë ishte ndëshkuar me një gjobë prej 9,267 lira turke apo 194 euro.

“Po kontrolloja autostradën Ankara–Nigde dhe pa dashje e tejkalova shpejtësinë për një periudhë të shkurtër. Me postimin e videos, në fakt, e denoncova vetveten,” shkroi ministri.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!