Ministria e Mjedisit ka njoftuar qytetarët se do të përballen me gjoba në rast se ndezin goma në Ditën Ndërkombëtare të Punëtorëve më 1 maj.

Duke iu referuar ligjit, kjo ministri thotë se personi që djegë goma të automjeteve apo mbeturina të tjera prej goma në hapësira private a publike do të dënohet me 100 euro.

Ndezja e gomave për 1 maj në Kosovë është një dukuri mjaft e shprehur.

“Me 100 euro gjobë dënohet personi që djegë goma të automjeteve, ose mbeturina tjera prej gome, në hapësirat private, publike, në rrugë, ose natyrë. Djegë mbeturina të ndryshme prej letre në hapësirat publike, në rrugë, ose natyrë”.

Kjo pasi që, siç vlerësohet, ndezja e gomave në mjedis të hapur, liron dyoksinën dhe materie tjera të rrezikshme, njofton ministria.

“MMPH tërheq vërejtjen se dyoksina dhe oksidet e tjera që lirohen nga djegia e gomave dhe materieve tjera shkaktojnë probleme serioze shëndetësore, si dëmtimin e organeve të frymëmarrjes, kancerin e mushkërive, dëmton lëkurën duke shkaktuar edhe shumë probleme të tjera shëndetësore”, thuhet ne njoftimin e ministrisë./Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur