Ministrja e Drejtësisë, Dhurata Hoxha, ka hedhur dyshime lidhur me lirimin e vetëm disa prej aktivistëve të Lëvizjes Vetëvendosje, të dyshuar për sulmin me armë ndaj objektit të Kuvendit të Kosovës.

Në emisionin Rubikon të KTV-së, Hoxha më konkretisht ka folur për lirimin e aktivistes Adea Batusha, mbesë e kryetarit të partisë, Visar Ymeri, dhe Petrit Ademi, djali i gjyqtares në Gjykatën e Apelit, Marie Ademi.

“Nuk paragjykoj asgjë por si qytetare edhe unë mund të shtroj pyetjen se pse disa aktivistë janë liruar e disa jo, pra duhet ti shofim gjërat siç janë”, ka thënë ajo.

“Ajo çfarë kam dëgjuar në media është se ka qenë edhe mbesa e Visar Ymerit dhe një tjetër i cili ka qenë djali i njërës nga gjyqtaret në Gjykatën Themelore të Apelit, Marie Ademi.”

Por, ministrja ka thënë se i mbetet Këshillit Gjyqësor të sqaroje pse disa aktivistë janë liruar e të tjerë janë në paraburgim.