Ministrja për dialog Edita Tahiri ka reaguar ndaj deklaratës së Daçiqit i cili ka thënë se “Serbia do t’i “hakmerret” Malit të Zi e Maqedonisë për njohjen e Kosovës dhe përkrahjen e saj për inkuadrim në organizatat ndërkombëtare.

“Ne triumfuam, të gjithë dolëm fitues kundër Serbisë, dhe me vizion të qartë euro-atlantik,në rrugëtim të sigurtë për BE dhe NATO përfshirë këtu Malin e Zi dhe Maqedoninë. Ndërsa Serbisë i mbetet të ndjek rrugën e dëshpërimit ose të këndelljes”, tha Tahiri për lajmi.net.

Ministri i Jashtëm i Serbisë, Ivica Daçiq ka thënë sot se Serbia ka gabuar që ka njohur shtetin e Ish-Republikës Jugosllave të Maqedonisë – me emrin që ka momentalisht.

Kryediplomati serb pendohet për njohjen e shtetit të Maqedonisë, pasi thotë që “Maqedonia ka votuar gjithmonë në favor të Kosovës”. /Insajderi.com