Policia në Mitrovicën e Jugut ka konfiskuar dy armë, si dhe iu ka caktuar masën e ndalimit dy personave të martën.

Në njoftimin e policisë thuhet se në rastin e parë, një të dyshuari iu është bërë kontroll i detajuar, të cilit iu është gjetur një pistoletë, shkruan Insajderi.

Ndërkaq, në rastin e dytë, të dyshuarit tjetër i është gjetur dhe konfiskuar një pushkë gjuetie.

“Të gjitha veprimet e  ndërmarra i janë paraqitur  prokurorit të rastit, ndërsa pas intervistimit  me aktvendim të prokurorit  dy të dyshuarve u  është caktuar masa e ndalimit policor”, thuhet në njoftim.

Ndaj të dyshuarve janë iniciuar raste për veprën penale ” mbajtje në pronësi, posedim, kontroll të paautorizuar të armës”. /Insajderi.org/