Mjekja Zana Luci, e cila është emëruar drejtoreshë e repartit të Gjinekologjisë dhe Obstetrikës në qytetin Lindau të Gjermanisë, ka rrëfyer rrugëtimin e saj profesional.

Gjatë një interviste, ajo ka folur për sfidat dhe pengesat që ka përjetuar gjatë karrierës së saj mjekësore, si dhe për angazhimin e vazhdueshëm për t’u afirmuar në një sistem të huaj shëndetësor.

Ndër të tjera, Luci është ndalur edhe tek situata në sistemin shëndetësor në Kosovë. Ajo zbuloi se kishte ofruar ndihmën e saj vullnetarisht për Ministrinë e Shëndetësisë, por përpjekjet e saj ishin injoruar.

“I kam ofruar Ministrisë së Shëndetësisë punë vullnetare, por nuk kam marrë ndonjë përgjigje. Ka qenë muaji dhjetor kur kisha dëshirë të kontribuoj në trajnime apo edhe në aspektin operativ. Por nuk pati asnjë reagim”, deklaroi Luci.

Ajo theksoi se kishte komunikuar drejtpërdrejt me ministrin Arben Vitia, por përkundër kësaj, interesimi i saj nuk u mor parasysh.

“Fola personalisht me ministrin, por u neglizhova”, tha ajo.

Zana Luci, 46 vjeçe, është me prejardhje nga Prishtina dhe ka përfunduar studimet për mjekësi në Universitetin e Mjekësisë në Vjenë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!