Paracetamoli është ilaç i mrekullueshëm për shumë njerëz.

Shumica e përdorin për të trajtuar dhimbjet e kokës, dhimbjet e dhëmbëve dhe sëmundjet e tjera. Ai gjithashtu ndihmon në uljen e temperaturës së ngritur dhe është një përbërës i zakonshëm në shumë ilaçe për të ftohtin dhe gripin.

Megjithatë, si çdo ilaç, ai mund të ketë disa rreziqe, sipas Express.co.uk.

Mjeku i përgjithshëm Donald Grant ka paralajmëruar për rreziqet e mundshme afatgjata të përdorimit të paracetamolit.

“Marrja e tepërt e paracetamolit ose përdorimi i tij kur nuk është i nevojshëm mund të sjellë rreziqe të mëdha për shëndetin tonë fizik, si në afat të shkurtër ashtu edhe në atë të gjatë”.

“Është e rëndësishme të kuptohen rreziqet që lidhen me paracetamolin për t’u siguruar që ai përdoret vetëm kur është e nevojshme”.

Ai gjithashtu bëri thirrje të mos marrin doza të tepruara të paracetamolit ose të mos e përdorin atë gjatë kohës që konsumojnë alkool.

Kjo mund të çojë në dëmtime serioze të mëlçisë, tha Dr Grant, dhe madje të rrezikojë jetën. /Insajderi.org/