Sekretari i Lëvizjes Vetëvendojse, Dardan Molliqaj, ka thënë se deputetët e pushteti po flasin sikur deputetes e opozitës, pasi që sipas tij po e pranojnë se kjo qeveri nuk ka bërë asgjë për të mirën e qytetarëve.

“Sot deputetët e pushtetit po flasin si me qenë deputetë të opozitës. Pra, edhe vet po e pranojnë që kjo Qeveri nuk ka bërë asgjë për të mirën e qytetarëve, por përkundrazi”, ka thënë Molliqaj.

Molliqaj ka thënë se deputetët fillimisht do të dënohen me votë e pastaj edhe me burg sic ka thënë ai pasi që Vetëvendosje ta forcoj sistemin e drejtësisë.

“Pas zgjedhjeve, Kuvendi i Kosovës do të ketë krejt përmbajtje tjetër. Këta deputetë matrapazë fillimisht do të dënohen me votë, e pastaj do të burgosen nga sistemi i drejtësisë të cilin do ta forcojë qeveria e ardhshme e Lëvizjes VETËVENDOSJE!”, ka shkruar Molliqaj në llogarinë e tij në Facebook./Insajderi.com