Katër kullat ftohëse mbi 90 metra të larta, janë demoluar përmes një shpërthimi të kontrolluar në North Yorkshire të Britanisë së Madhe.

Kullat ftohtëse të termocentralit kishin ndërprerë punën në vitin 2018, dhe katër prej tetë sa ishin në total dhe që përmbanin secila nga 11.000 tonelata beton – janë demoluar si plan për rindërtimin e kullave të reja, transmeton Telegrafi.

Këto kulla mund të shiheshin nga mijëra metra distancë në Yorkshire dhe për 50 vite ishin ikonë e këtij vendi. E për shembjen e tyre ishin mbledhur një numër i konsiderueshëm i qytetarëve kureshtarë.

Ata ishin dëshmitarë të shembjes se kullave kurse zona përreth tyre ishte siguruar mirë, me qëllim që dikush të mos futet apo kalojë dhe të ketë pasoja në njerëz.