Një zjarri kishte shpërthyer mbrëmë në spitalin modular për trajtimin e personave të sëmurë me sëmundjen COVID-19 në Tetovë, ku si pasojë 14 persona mbetën të vdekur. 

Incidenti ka ndodhur të mërkurën rreth orës 21:00.

Zjarri besohet të jetë përhapur nga shpërthimi i bombolave të gazit apo oksigjenit.

Ekipet e zjarrfikësve kanë shkuar në vendin e ngjarjes pesë minuta pas shpërthimit të fuqishëm.

Për shkak të dëmtimeve të rënda, disa viktima do t’u nënshtrohen analizave të ADN-së.

“Në bashkëpunim me pjesëtarët e Ministrisë së Brendshme, po vazhdojnë hetimet për zbardhjen e rastit. Prokurorët kanë lëshuar urdhër për identifikimin e trupave të 14 personave të vdekur nga zjarri. Disa nga të vdekurit do të kenë nevojë për analiza të ADN-së për të përcaktuar identitetin e tyre”, thuhet në njoftimin e Prokurorisë.

Lexo edhe;