Për gjeneratat e reja e për personat pa memorie politike e historike, zhvillimet e sotme mbi urën kryesore të lumit Ibër mund të duken interesante e të rralla.

Por e vërteta nuk qëndron kështu, pasi kjo urë ka qenë arenë përballjeje për vite të tëra, e sidomos nga qershori 1999.

Zhvillimet e sotit ishin të qeta e aspak me adrenalinë krahasuar me atë që ndodhte në vitet e para pas luftës, kur turma hërë këndej e herë andej urës ia mësyenin ta kalonin atë, shkruan Veriu.info.

Por si gjithmonë aty në mes qëndronte KFOR, që nuk lejonte një përballje mes shqiptarëve në jug e serbëve të veri.

Janë rikthyer pamjet e një përballje direkte mes protestuesve shqiptarë e KFOR-it menjëherë pas luftës mbi urën e Ibrit.

Pamjet shfaqin se si ushtari i UÇK-së e zbulon se KFOR-i kishte vendosur tela me rrymë në urën e Ibrit.

25 vite pas, kjo urë vazhdon të jetë simbol i ndarjes etnike, gjë që po synohet të zbehet, por se si do të duket në fund vështirë të parashikohet.

Video: