Lidhja Demokratike e Kosovës ka reaguar pas përleshjes në Kuvend, duke thënë se pamjet e shëmtuara të dhunës nuk e kanë vendin në Kuvend.

Por si duket ka harruar se Deputeti i LDK-së, Kujtim Shala, muaj më parë është dëgjuar në Kuvend duke fyer Kryemnistrin Kurti, pas një polemike që kishte pasur me liderin e LDK-së Lumir Abdixhikun.

“Phu t’q*fsha tradhtarin e nanës” – dëgjohet duke i thënë Kryeministrit z. Shala.

Partia opozitare ka thënë se këto pamje nuk e kanë pasur vendin në Kuvend asnjëherë as në të shkuarën as tani.

“Nuk e kanë pasur asnjëherë as në të shkuarën – as tani. Sot, ishte një ditë tjetër e rëndë në historinë parlamentare të Republikës”.

Lidhja Demokratike e Kosovës thotë se instaluesit e dhunës nuk kanë të drejtë moralizuese sot.

“Instaluesit e dhunës në Kuvendin e Kosovës nuk kanë të drejtë moralizuese sot. Ata kanë ushqyer polarizimin e skajshëm shoqëror, kanë ushqyer gjuhën e urrejtjes, ndarjes e përplasjes në çdo sjellje e veprim të tyre; e bëjnë dhe sot”.

LDK tha se do të vazhdojë, si gjithherë, të mbrojë dhe ushtrojë vlerat bazike demokratike e shtetare në çdo sjellje të saj, brenda sallës së Kuvendit të Republikës dhe jashta saj.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër