Big Brother VIP Albania 4 vazhdon të ofrojë situata të ndryshme, të cilat mbajnë fansat të lidhur përpara ekraneve.

Një nga momentet më të tensionuara të këtij edicioni ka ndodhur mes dy banorëve, reperit Gjesti dhe modeles Loredana. Edhe pse ky sezon ka pasur shumë ngjarje interesante, kjo përplasje ka tërhequr veçanërisht vëmendjen e publikut.

E gjithë ngjarja ka nisur nga një debat i ndodhur brenda shtëpisë, ku tensionet mes dy personazheve ishin të dukshme.

Sipas pamjeve, situata eskaloi kur Loredana tentoi të merrte cigaret nga duar e Gjestit, një veprim që nuk u prit mirë nga reperi. Ai reagoi menjëherë duke i kërkuar asaj të shmangte prehjen e tij fizike, duke i thënë në mënyrë të prerë: “Mos më prek me dorë”.