Gazetarja irakiane Shifa Gerdi ka pësuar me fatalitet në një incident në pjesën perëndimore të qytetit irakian Mosul, i cili ndodhet nën kontroll të organizatës terroriste DEASH, raporton AA.

Gazetarja Gerdi ka qenë duke punuar për grupacionin mediatik Rudaë nga Erbili, ndërsa jetën e humbi si pasojë një shpërthimi i një mine, në kohën kur po raportonte për përleshjet në perëndim të Mosulit.

Nga grupi mediatik Rudaë kanë konfirmuar se përderisa po raportonte nga një zonë e vogël në pjesën perëndimore të çliruar të Mosulit, Gerdi shkeli në një minë që ishte vendosur më parë nga militantët e DEASH-it.

Informohet se kameramani i saj është plagosur rëndë.

Që nga 17 tetori i vitit të kaluar, kur filloi operacioni për çlirimin e Mosulit, jetën e ka humbur një numër i konsiderueshëm i përfaqësuesve të medieve të cilët kanë pësuar gjatë përleshjeve ose si pasojë e minave. /Insajderi.com