Fundjava do të sjell mot të vranët dhe me shi në Kosovë, raporton Insajderi.

Instituti Hidrometeorologjik i Kosovës, njofton se gjatë këtyre dy ditëve të vikendit vendi ynë do të jetë nën ndikimin e masave labile të ajrit të cilat do të krijojnë kushte për formimin e vranësirave të çrregullta, të cilat pasditen e së shtunës dhe gjatë ditës së diele do të shoqërohen me reshje shi.

E shtuna pritet të jetë e nxehtë rreth 30 gradë celsius, ndërsa të dielën temperaturat do të bien për disa gradë.

Temperaturat maksimale do të lëvizin nga 24 deri në 26 gradë celsius. /Insajderi.com