Një gomone që ka tentuar të dalë në breg, ka humbur kontrollin dhe ka plagosur dy pushues. Ngjarja ka ndodhur në Himarë.

Çifti i pushuesve po qëndronte në breg kur është goditur nga mjeti lundrues. Burri ka dëmtime në brinjë dhe në fytyrë, ndërsa gruaja disa gërvishtje të lehta. I plagosuri gjendet në spitalin e Himarës.

Policia ka shoqëruar drejtuesin e mjetit lundrues.

Njoftimi i policisë:

Sot, rreth orës 11:20, në plazhin e Jalës, shtetasi Gj. P., 37 vjeç, duke drejtuar një mjet lundrues tip (gomone), dyshohet se ka humbur kontrollin duke dalë në breg, ku si pasojë ka dëmtuar shtetasit A. S., 31 vjeç dhe E. GJ., 25 vjeçe, të cilët janë transportuar në spital, jashtë rrezikut për jetën.

Drejtuesi i mjetit lundrues është shoqëruar në Komisariatin e Policisë Himarë, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes./A2CNN

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja