Jose Mourinho e nisi me fitore aventurën e tij tek skuadra e Fenerbahces.

Ekipi turk arriti fitore si mysafir të Luganos 3:4, në kuadër të ndeshjes së parë të raundit të dytë kualifikues të UEFA Champions League.

Në këtë përballje fantastik ishte Edin Dzeko, i cili shënoi hat-trick.

Trajneri i ekipit turk, José Mourinho, është ankuar për kushtet e fushës së lojës.

Ai ka sulmuar UEFA-n për faktin se ndeshja u luajt në fushë sintetike.

“Ne nuk donim të justifikoheshim para ndeshjes, por ishte e vështirë të luaje në një fushë sintetike, ishte e vështirë të përshtateshim. Lojtarët kishin vështirësi në driblimin. Është e papranueshme të luash në një sipërfaqe të tillë në nivelin e Champions League. Nuk doja që lojtarët e mi të vuanin nga kjo”, tha Mourinho.

“Nëse duam të luajmë futboll në një nivel të lartë, kjo fushë sintetike nuk bën sepse driblimi i topit, rrjedha e topit kanë qenë faktorë efektivë në kuptimin negativ. Nuk e kuptoj pse UEFA lejon që futbolli të luhet në këtë fushë sintetike. Nuk e kuptoj pse një ekip i mirë si Lugano luan në këtë fushë”, tha më tej trajneri i Fenerbahce.

Ndeshja kthyese mes Fenerbahces e Luganos zhvillohet më 30 korrik në Turqi.