Ministria e Punëve të Jashtme të Kosovës ka dal me një njoftim të rëndësishëm për ata që janë duke udhëtuar drejt Kosovës, shkruan Insajderi.

Në komunikatën e MPJ-së thuhet se në territorin e Serbisë, në afërsi të pikave kufitare në Jarinjë dhe në Merdare për shkak të protestave që po mbahen, nuk është i mundur kalimi i autobusëve dhe kamionëve që vijnë nga Kosova. Madje nuk është i sigurtë kalimi as me vetura.

Tutje, MPJ ka bërë thirrje që të mos udhëtohet përmes Serbisë, duke thënë se janë në qarkullim shumë lajme të rreme, të cilat synojnë përhapjen e frikës.

Njoftimi i plotë i MPJ-së:

INFORMACION I RËNDËSISHËM PËR TË GJITHË ATA QË JANË DUKE UDHËTUAR DREJT #KOSOVËS

Ju njoftojmë se ne territorin e Serbisë, në afërsi të pikave kufitare në Jarinjë dhe në Merdare, për shkak të protestave që po mbahen, nuk është i mundur kalimi i autobusëve dhe kamionëve që vijnë nga Kosova.

Nuk është i sigurtë për momentin as kalimi i veturave. Nëse keni hyrë tashmë në Serbi, atëherë ju lutemi t’i përdorni pikat kufitare ne Mutivodë, Dheu i Bardhë ose të merrni rrugë përmes Maqedonisë së Veriut (pikë-kalimi kufitar i Preshevës) përmes Shkupit.

Nëse nuk keni hyrë tashmë në Serbi, ju lutemi, mos udhëtoni përmes Serbisë. Duke marrë parasysh faktin që janë në qarkullim shumë lajme të rreme, të cilat synojnë përhapjen e frikës, ju lutemi të ndiqni @Kosovo_Police rreth përditësimeve më të fundit zyrtare në këtë drejtim.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër