Një histori mbijetese e jashtëzakonshme ka ardhur nga India, ku një person i vetëm ka shpëtuar gjallë nga një aksident ajror tragjik që përfshiu një aeroplan të tipit Boeing 787-8 Dreamliner.

Komisioneri i Policisë në Ahmedabad ka konfirmuar se pasagjeri i ulur në vendin 11A ka mbijetuar përplasjes së aeroplanit. Bëhet fjalë për Vishwas Kumar Ramesh, me shtetësi britanike, i cili aktualisht po trajtohet në spital.

“Është në spital dhe po trajtohet”, ka thënë zyrtari për agjencinë indiane të lajmeve ANI.

Sipas mediave indiane, Vishwasi ka treguar biletën dhe pasaportën për të konfirmuar identitetin e tij, duke shtuar se gjithçka ka ndodhur në sekonda të numëruara.

“30 sekonda pas nisjes, ka pasur një zhurmë të madhe dhe më pas aeroplani u përplas. Gjithçka ka ndodhur shumë shpejt”, citohet të ketë thënë ai nga shtrati i spitalit.

Hetimet rreth shkaqeve të rrëzimit të avionit janë ende në zhvillim, ndërkohë që autoritetet po mbledhin të dhëna për pasagjerët dhe për atë që ndodhi në momentet vendimtare të fluturimit.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!