Ndonëse në serialin “Fara e Flliqt” vazhdimisht e dëgjojmë “Liridonin” duke përdorur gjuhë eksplicite, në jetën reale është e kundërta e kësaj.

Madje, Muhamed Arifi thotë se gjëja që e urren më së shumti në botë, është ngacmimi i femrave në rrugë.

“Më së shumti në botë e urrej me i ngacmu femrat rrugës, është seni më i poshtër në botë që mund të ndodhë. Është e pahijshme me i fishkëllye një femre, budallakia më e madhe në botë”, është shprehur Muhamedi në “Dhoma e Rrëfimit”.

Ndërsa sa i përket gjuhës eksplicite, ai thotë se kjo nuk përbën ndonjë problem.

“Ne gjuhën e rrugës që e kemi përdorë e kemi marrë dhe e kemi qitë në serial. Se kështu flitet, njerëzit tash veç janë liru. Ka shumë raste kur njerëzit më thonë se na keni liru se na e keni çel gojën, jo vetëm njerëzit e thjeshtë por edhe ata që janë nëpër pozita”.

Shiko emisionin e plotë: