Kandidati i LDK-së për deputet, Besim Mulaj ka vendosur një shall të veçantë në përmbyllje të fushatës së LDK-së në Prishtinë.

Ai ka vendosur shallin si simbolikë të trashëgimisë së Ibrahim Rugovës, por në të janë qëndisur emrat e dëshmorëve që dhanë jetën për lirinë e Kosovës.

“Të nderuar qytetarë të LDK-së, rugovistë, aktivistë e simpatizantë, mbështetës të mi, sonte e vendosa shallin, si simbolikë e trashëgimisë së Dr. Ibrahim Rugovës. Por ky nuk është një shall i zakonshëm—në të janë të qëndisur emrat e dëshmorëve që dhanë jetën për lirinë e Kosovës”, ka thënë Mulaj.

“Ky është kujtimi dhe nderimi ynë për ta, një përkushtim ndaj rrugës që ata trasuan me sakrificë. Liria, demokracia dhe vizioni i Rugovës jetojnë përmes veprave tona. Faleminderit për besimin tuaj”, ka shtuar ai.