Reperi i njohur shqiptar, Noizy, është arrestuar të shtunën në aeroportin e Zyrihut sapo mbërriti në Zvicër për të promovuar albumin e tij të ri, raportojnë mediat zviceriane.

Siç raportohet, reperi nuk ka qenë në dijeni se çështja e konfliktit me Medin ishte denoncuar tek autoritetet zvicerane nga pala tjetër.

Por çfarë thotë ligji në Zvicër për raste të tilla? Për Prive by Liberta avokati i njohur zviceran André Kuhn sqaroi rreziqet ligjore me të cilat mund të përballet artisti shqiptar.

“Për aq sa dihet, atëherë viktima është sulmuar njëkohësisht nga disa të dyshuar. Një sulm i tillë në Zvicër mund të dënohet ose me një gjobë, ose me burgim deri në pesë vjet,” — deklaroi Kuhn.

Policia ndalon Noizyn në Zvicër, ja çka dihet për rastin

Duke qenë se incidenti ka ndodhur në Kosovë, lind pyetja: A mund ta ndjekë penalisht Zvicra Noizyn për një vepër të kryer jashtë territorit të saj? Si funksionon juridiksioni ndërkombëtar në një rast të tillë?

“Është e mundur që i dyshuari të jetë shpallur në kërkim nga autoritetet kosovare. Në këtë rast, Kosova mbetet përgjegjëse për ndjekjen penale dhe mund t’i kërkojë Zvicrës ekstradimin. Nëse nuk realizohet ekstradimi, ligji zviceran parashikon që në raste të caktuara një gjykatë zvicerane mund të dënojë për vepra të kryera jashtë vendit,” — sqaroi avokati, duke iu referuar nenit 7 të Kodit Penal Zviceran.

Tha se është i përfshirë në arrestimin e Noizyt në Zvicër, Medi Iseni i reagon ashpër Stresit

Ai shtoi gjithashtu se:

“Dënimi varet, ndër të tjera, edhe nga fakti nëse dikush ka kryer më parë vepra penale. Kush e përsërit të njëjtën vepër, dënohet ndjeshëm më ashpër.”

Në këtë situatë, karriera ndërkombëtare e Noizyt mund të përballet me pasoja serioze. Koncertet në Zvicër, që deri më sot kanë qenë pjesë e pandashme e turneve të tij, mund të i përkasin të kaluarës për një kohë të gjatë — për të mos thënë, përgjithmonë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!