Murat Jasharit i është vazhduar masa e paraburgimit edhe për dy muaj nga Gjykata Themelore në Prishtinë për tentim vrasjen e avokatit Azem Vllasi.

Avokati mbrojtës i tij, Emrush Kastrati e ka konfirmuar për Insajderin se klientit të tij i është vazhduar masa e paraburgimit edhe për dy muaj.

“Po i është vazhduar paraburgimi edhe për dy muaj, nuk pritet ndonjë seancë e radhës prokurori ka desht me intervistu ma herët, diku me 6 prill mirëpo kemi kërkua shtyrjen e intervistimit të tij për shkak të problemeve shëndetësore të mija”, ka thënë Kastrati për Insajderin.

Murat Jashari është i dyshuari kryesor për tentim vrasjen e avokatit Azem Vllasi. Jashari dyshohet se me 13 mars në orët e hershme të mëngjesit kishte plagosur me armë zjarri Vllasin në banesën e tij. /Insajderi.com