Ish-deputeti i Kuvendit të Kosovës, Naim Maloku, ka thënë se Murat Meha, kryetar i Komisionit qeveritar për shënimin e vijës kufitare me Malin e Zi, duhet të arrestohet për tradhti kombëtare.

Sipas Malokut, as dorëheqja e Murat Mehës nuk do të pranohej.

“Po dalin disa zëra qe Murat Meha të japë dorëheqje! Jo dorëheqje, Murat Meha se bashku me nënshkruesit e Marrëveshjes për demarkacionin [duhet] të arrestohen me akuzë: për tradhti kombëtare”, ka shkruar Maloku në llogarinë e tij në Facebook.

Ditëve të fundit janë shtuar zërat që thonë se vija kufitare me Malin e Zi është bërë në dëm të Kosovës.

Ratifikimi i marrëveshjes së demarkacionit me Malin e Zi është kusht kryesor për liberalizimin e vizave, por tash e disa javë qeveria nuk ka dërguar këtë projektligj në kuvend.

Shefi i Grupit Parlamentar të PDK-së, Adem Grabovci, partia e të cilit është partneri kryesor në koalicionin qeverisës, ka thënë se vija kufitare me Malin e Zi e ka zhvendosur kufirin rreth pese apo gjashtë kilometra në brendësi të Kosovës./Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur