Deputeti i Lëvizjes Vetëvendosje, Hekuran Murati, ka qenë i pari nga radhët e partisë në pushtet që ka reaguar pas aktgjykimit të Gjykatës Kushtetuese për krizën e konstituimit të Kuvendit.

Murati tha se vendimi i Kushtetueses konfirmon se votimi i fshehtë nuk e shkel Kushtetutën dhe si i tillë, mund të përdoret për të përmbyllur procesin e zgjedhjes së Kryetarit të Kuvendit.

“Votimi i fshehtë nuk e shkel Kushtetutën, pra lejohet. S’ka nevojë as 30 ditë të pritet. Që nesër mund të procedohet me votim të fshehtë dhe kryhet kjo punë,” shkroi Murati.

Deputeti i VV-së përmendi tri pika që sipas tij janë konfirmuar nga Gjykata: Votimi i fshehtë është kushtetues dhe i lejueshëm, Të gjitha partitë duhet të angazhohen për konstituimin e Kuvendit, Të gjithë deputetët kanë për obligim të marrin pjesë në votim.

Murati tha se këto qëndrime janë mbrojtur nga VV që nga dita e parë dhe tani, sipas tij, ato janë konfirmuar edhe nga Gjykata Kushtetuese.

“Këto i kemi thënë që nga dita e parë. Këto i paska thënë edhe Gjykata Kushtetuese. S’ka nevojë as 30 ditë të pritet. Që nesër mund të procedohet me votim të fshehtë, dhe kryhet kjo punë”.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!