Dy murgesha të cilat janë të njohura si “Motrat e Luginës” kanë si punë rritjen dhe konsumimin e marihuanës.

Ato kultivojnë marihuanën për të bërë balsam mjekësor dhe vaj. Dy murgeshat të cilat janë deklaruar të tilla dhe funksionojnë të pavarura nga kisha, thonë se kanë shenjtërinë me vete.

Ato kujdesen për bimët e marihuanës në një kopsht të një kishe të vogël dhe thonë se produktet e krijuara nga marihuana po e shpëtojnë botën sepse janë të krijuara nga “nëna natyrë”.

“Ne krijojmë vajin nga marihuana me fonde që i marrim nga donacione të ndryshme nga njerëzit e thjeshtë dhe ia shpërndajmë shumë njerëzve në nevojë”, shkruhet në një video të bërë nga “The LAD Bible”.

Motra Kate dhe Motra Darcy kanë zhvilluar një program të veçantë për marihuanën mjekësore.

Në këtë mënyre ato edhe mund të shesin këtë vaj për të fituar fonde të tjera.

“Fitimet tona janë 10 mijë dollarë në javë”, tha motra Kate.