Futbollisti kosovar, Vedat Muriqi ka reaguar pasi Spanja ka njohur pasaportat e Kosovës.

“Si mund të mos të dua, Spanjë?”, ka shkruar Muriqi në platformën X.

Como no te voy a querer España?
🇽🇰🤝🏼🇪🇸 https://t.co/hXwnHKvBkp

— Vedat Muriqi (@MuriqiVedat) January 6, 2024

Ministrja e Punëve të Jashtme, Donika Gërvalla dhe zëvendëskryeministri Besnik Bislimi kanë thënë se qytetarët e Kosovës tani mund të udhëtojnë lirshëm në Spanjë.

Vendimi për njohjen e pasaportave kosovare është marrë nga 1 janari.

Në dokumentin e Bashkimit Evropian ku bëhet i ditur ky vendim, thuhet se kjo nuk nënkupton njohje të shtetësisë së Kosovës.

“Spanja njohu nga 1 janari 2014 pasaportat që lëshohen nga Republika e Kosovës. Ky ndryshim nuk përbën në asnjë mënyrë njohje zyrtare të Kosovës”, thuhet në dokument.