Miliarderët Elon Musk, Jeff Bezos dhe Mark Zuckerberg do të marrin pjesë në inaugurimin e Presidentit të zgjedhur të SHBA-së, Donald Trump, të hënën.

Sipas burimit, ata do të ulen gjatë ceremonisë, së bashku me të nominuarit e administratës së sapozgjedhur republikane dhe zyrtarë të tjerë të zgjedhur.

Amazon e Bezos dhe Meta e Zuckerberg janë ndër pronarët e kompanive që dhuruan 1 milion dollarë secila për inaugurimin e Trump.

Elon Musk, CEO i Tesla, SpaceX dhe X, shpenzoi më shumë se një çerek miliardë dollarë për të ndihmuar Trumpin të fitonte zgjedhjet në nëntor, kujton Reuters.

Inaugurimi i Donald Trump do të mbahet të hënën, më 20 janar.