Kryetari i degës së LDK-së në Zvicërr, Shefqet Dibrani ka thënë se kreu aktual i kësaj partie Isa Mustafa po dëshiron që t’i shkatërroj degët e LDK-së në diasporë.

“Isa Mustafa dëshiron t’i shkatërroj degët e diasporës për shkak të dëshmive që i kanë këto degë për keqperdorimin marramendës të 3 përqindëshit nga Isa Mustafa dhe ‘klika’ e tij”, ka thënë Dibrani, i ftuar në televizionin Rrokum.

Ai tha se është ende kryetar dege i LDK-së në Zvicër, përkundër insistimit të LDK-së se Dibrani dhe Donika Gërvalla nuk janë më kryetar degësh të kësaj partie në diasporë.

“Legjitimitetin tim ma ka dhënë Kuvendi që u mbajt me 8 Maj. Kemi qenë gjithsej 4 kandidatë dhe kemi votuar nën vezhgimin e kamerave, askush nuk mundet me ma marrë këtë legjitimitet”, deklaroi ai.

Sipas tij, edhe pse në Kosovë Isa Mustafa i ka shndërruar njerezit në LDK si vegla te tij, ne Zvicër nuk do të mundet. /Insajderi.com