Kryeministri i Kosovës Isa Mustafa ka thënë se takimi me ndihmës sekretaren e shtetit, Victoria Nuland ishte shumë përmbajtësor dhe me porosi të qarta për luftimin e korrupsionit, por edhe reformatizimin e Qeverisë.

Mustafa ka thënë se temat e adresuara ishin: forcimi i shtetit ligjor, lufta kundër krimit dhe korrupsionit, reformatizimi i Qeverisë, zgjidhja e problemit me demarkacionin dhe ajo   me pagesat e veteranëve, transmeton Indeksonline.

Më poshtë mund të lexoni shkrimin e plotë të Mustafës në Facebook:

Takimi me ndihmës sekretaren e shtetit, znj Victoria Nuland ishte shumë përmbajtjesor por edhe me porosi të qarta. U adresuan shumë çështje, ndër të cilat:

– Nevoja e forcimit të shtetit ligjor, lufta kundër krimit dhe korrupsionit;

– Reformatizimi i Qeverisë;

– Implementimi i marrëveshjeve nga dialogu me Serbinë dhe vazhdimi i dialogut;

– Zgjidhja e problemit të kufirit me fqinjët, në këtë rast me Malin e Zi, si element shumë i rëndësishëm i sovranitetit shtetëror që ndërlidhet edhe me përkrahjen për transformimin e FSK-së në FAK, duke pasur parasysh se kemi të bëjmë me dy vende, njëri prej të cilëve është anëtar i NATO-s, kurse tjetri pretendon të bëhet anëtar. (Kjo nuk mund të kuptohet se pas demarkacionit do të bëhet transformimi, por se transformimi nga pala amerikane u vu në korrelacion edhe me demarkacionin e kufirit);

– Zgjidhja e problemit të pagesave për veteranë, nga se pagesa për ata që nuk kanë merita cilësohet si korrupsion dhe keqpërdorim i parasë publike. U tha qartë se në qoftë se Kosova nuk e adreson dhe nuk e zgjidh këtë çështje me kohë (është fjala para aprovimit të buxhetit për vitin 2017) rrezikon të dal nga Programi i Fondit Monetar Ndërkombëtar. Prandaj, nëse rrezikohet programi i FMN-së, Kosova do të humbë edhe programin e Korporatës së Sfidave të Mileniumit (MCC), që llogaritet se sillet nga 200 milionë deri në 400 milionë dollar amerikan.
Duke e konsideruar tepër të rëndësishme partneritetin me SHBA, Qeveria do të punoj me përkushtim në këto çështje. /Insajderi.com

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër