Kryeministri i Kosovës, Isa Mustafa, e ka ngushëlluar homologun e tij turk, Ahmet Davutoglu, për ngjarjen e rëndë që ndodhi sot në Ankara, përmes një telegrami të dërguar duke theksuar se “terrorizmi është kërcënim serioz për të gjithë”.

Ai ka shprehur solidaritetin e Qeverisë, dhe të gjithë qytetarëve të Kosovës, me popullin turk dhe familjet e viktimave të sulmit. Duke vlerësuar se terrorizmi tashmë është kërcënim serioz për të gjitha vendet, Mustafa ka shprehur përkushtimin e plotë të Kosovës në luftën e përbashkët kundër radikalizmit dhe terrorizmit.

Përmes një njoftimi për media, zyra për komunikim me publikun, njofton për telegramin e ngushëllimit që Mustafa i ka dërguar kryeministrit turk Ahmet Davutoglu.

“Kryeministri i Republikës së Kosovës, Isa Mustafa, i ka dërguar një telegram kryeministrit të Turqisë, Ahmet Davutoglu, duke i shprehur ngushëllime pas sulmit terrorist në Ankara, i cili la të vdekur dhjetëra njerëz të pafajshëm dhe dhjetëra të tjerë u plagosën”, shkruan në njoftim.

Kryeministri Isa Mustafa, shprehu pikëllimin e thellë dhe solidaritetin e qytetarëve e të Qeverisë së Kosovës me popullin turk dhe me familjarët e viktimave e të plagosurve, në këtë akt të rëndë terrorist.

Në telegram, kryeministri Isa Mustafa thekson se terrorizmi tashmë është kërcënim serioz për të gjitha vendet, duke shprehur përkushtimin e plotë të Republikës së Kosovës në luftën e përbashkët globale të botës demokratike, të udhëhequra nga SHBA- të, kundër të gjitha formave të radikalizmit të dhunshëm dhe terrorizimit”, thuhet një njoftimin e zyrës për komunikim me publikun.