Kryeministri, Isa Mustafa, ka shprehur ngushëllime familjes Klemendi për vdekjen e gazetarit dhe shkrimtarit Ramiz Kelmendi.

Ai është shprehur se ndarja nga jeta e Kelmendit është humbje e madhe për gazetarinë, letërsinë dhe kulturën kosovare në përgjithësi.

“Ramiz Kelmendi do të mbahet mend si një intelektual erudit, i cili dha kontribut të shquar në zhvillimin e gazetarisë, krijimtarisë letrare dhe fushave të tjera të kulturës në Kosovë. Kosova ka humbur një mendje të ndritur i cili do të përkujtohet përherë”, thuhet në mesazhin e kryeministrit Mustafa, raporton Insajderi.

Ramiz Kelmendi ishte një prej emrave më të njohur në skenën e gazetarisë në vend, ai vdiq mbrëmë në moshën 86 vjeçare. /Insajderi.com