Miratimi i Papa Françeskut për shenjtërimin e Nënës Terezë, është nder i jashtëzakonshëm për shqiptarët. Kështu ka thënë Kryeministri i Kosovës Isa Mustafa, përmes një shkrimi në llogarinë e tij zyrtare në Facebook.

“Sot, është një ditë e shënuar për shqiptarët dhe për të gjithë njerëzit e vullnetit të mirë anekënd botës. Miratimi nga Papa Françesku i dekretit përfundimtar për shenjtërimin e Nënës Terezë më 4 shtator 2016, është vlerësim i merituar për Nënën e madhe shqiptare, e njëkohësisht është nder i jashtëzakonshëm për popullin tone”, ka shkruar ndër të tjera Kryeministri Mustafa në Facebook.

Mustafa thotë që Nëna Terezë bëri krenarë shqiptarët me jetën, përkushtimin dhe sakrificën e saj.

“Ne, sot, jemi krenarë që nga gjiri i popullit tonë doli Nëna Terezë, e cila me jetën, përkushtimin dhe sakrificën e saj mbresëlënëse, u bë simbol global i humanizmit dhe dashurisë për njeriun, u bë shenjtëreshë e botës mbarë. T’i falemi Nënës tonë të madhe Gonxhe Bojaxhiut!”, ka shkruar ai në Facebook.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman