Një shoqatë dhe grup influencues që prezanton Islamin në Francë ka propozuar që të rriten taksat e ushqimeve “Hallal”, në mënyrë që me ato fonde të financohen xhamitë dhe të luftohet ekstremizmi në Francë.

Anouar Kbibech, kryetar i Këshillit Francez të Këshillit Islamik (CFCM), shpalosi planin për financimin e objekteve fetare myslimane si mënyrë për uljen e rrezikut nga terrorizmi, njofton Independent, transmeton Insajderi.

Ideja është përkrahur nga të dyja taboret politike në Francë, si nga e djathta ashtu edhe nga e majta, mirëpo ka ende dilema për implementimin e këtyre taksave.

“Ideja e jonë ka ekzistuar që prej themelimit të Këshillit Islamik – CFCM”, ka thënë Kbibech për transmetuesin francez, BFM TV.

Propozimi ka ardhur pak ditë pasi kryeministri francez, Manuel Valls ka bërë thirrje që të ndalohet financimi i shoqatave me ndikim nga Arabia Saudite në Francë. Valls pati nisur iniciativën për mbështetje më të madhe të Islamit francez. /Insajderi.com