(Për ata që s’janë)

Se jemi top i zhytyn n’baltë,
Lojë e lame n’gjysëm
Jemi kolli i thatë që dëgjohet
nëpër korridore të ngushta t’spitaleve
Që i pikon tavani

Na jemi fmijët e sokaqeve
Me rrugë t’pashtrume
Ku dëgjohen sorrat
Dhe ku i l’kund era
Kpucat e vjerrta nëper kabllo t’rrymës

Jemi paqja
Dhe lufta

Jemi shpina ku ngulet thika
Jemi hala n’sy

Na jem fustan i grisun i nan’dhjetë e nantës,

Sytë tanë kanë pa shumë
Për me i thanë fminisë veç lojë
E rritës lumni.

Na jemi lulet e kuqe që çelin n’pranverë…

Jem’ dy gishtat e tet’dhjetë e nantës

Na jemi nanat që gjinin
S’na lat’ me ua ba hallall…

Për vitet që na i morët,
Për andrrat që na i shuet
Për shpirtin që na e k’putet…

…na jemi piskama që keni me dëgju tanë jetën…

Blega Sheholli

Shtator/2016

Blega Sheholli

Top of Form

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër