Leonard Ademaj, vëllai i Liridona Ademajt, në cilësinë e dëshmitarit ka treguar se çfarë kishte ndodhur në natën kritike, takimin me Naim Murselin dhe se çka i kishte thënë ky i fundit pas vrasjes së Liridona Ademajt, motrës së dëshmitarit.

Ademaj para gjykatës tregoi versionin që ia kishte dhënë Murseli për ngjarjen që kishte tronditur opinionin publik, shkruan Insajderi.

“Kur kam pyet: Ku është Naimi? Më kanë thënë se është duke dhënë deklaratë. Pas një orë, një orë e gjysmë, Naimi ka dalë nga policia. Ne fëmijët i kishim marrë në veturë edhe ishte orar gjumi. Kur ka dalë Naimi nga policia, aty ishte prezent edhe Kushtrim Kokalla. Ne e kemi pyet Naimin se çfarë ndodhi? Ai më tha që “na ka dalë një hajn me armë dhe na ka kërkuar të holla. Unë tha i kam dhanë të hollat, i kam thënë edhe Liridonës jepi krejt çka ki. Liridona duke shikuar në çantë, i kam hap dyert dhe i kam thanë fëmijëve me ikë. Pasi kemi shku diku 4-5 metra, e kam ni një krismë dhe unë vazhdoja të ikja me fëmijët. Ka ardhur një veturë në drejtim tonin dhe ka dasht me na shkelë mu dhe fëmijët. Kam kërkuar ndihmë në disa shtëpi aty, por që nuk më kanë dhënë ndihmë”, ka deklaruar Leonard Ademaj.

Dëshmitari ka bërë të ditur se të nesërmën pas ngjarjes së rëndë ka kërkuar të takohet me Naim Murselin, të cilin e kishte gjetur në hotelin ‘Swiss Diamond’ duke bërë luks.

“Të nesërmen kam kërkuar të takohem me Naimin, e kam gjet në ‘Swiss’, në një dhomë ratë. Kish pasë ushqim dhe e kish porosit drekën”, ka deklaruar ai.

Dëshmia e Leonard Ademajt po vazhdon në seancën e së hënës, që ka filluar nga ora 09:00. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!