Deputeti i Aleancës për Ardhmërinë e Kosovës, Daut Haradinaj, ka reaguar me ironi ndaj vizitës së kryeministrit në detyrë, Albin Kurti, në Greqi.
Haradinaj ka thumbuar Kurtin për vendndodhjen dhe mënyrën e tij të qëndrimit, duke përmendur çmimin e lartë të dhomave në ishujt grekë.
“Kurti sot nëpër ishuj të Greqisë me pantallona të shkurtra në seancën e 48, nata në një dhomë – më e lira – 605 euro, dje, sot dhe pardje”, ka thënë Haradinaj në Politiko, përcjell Insajderi.
Kryeministri në detyrë, Albin Kurti nuk u kthye sot nga Greqia për të marrë pjesë në seancën konstituive, e cila ka dështuar për herë të 48-të.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
