Vjehrrit që po dyshohet se ka ngacmuar seksualisht renë e tij në Pejë, i është caktuar masa e ndalimit prej 48 orë.

Kështu ka konfirmuar për Insajderin zëdhënësi i Prokurorisë Themelore në Pejë, Shkodran Nikçi.

“Prokurori i rastit i ka caktuar të dyshuarit masën e ndalimin prej 48 orë, teksa Policia është duke i zhvilluar hetimet për rastin”, konfirmoi ai.

Theksojmë se viktima e ka raportuar rastin në polici ditën e hënë (15 maj), ka njoftuar Policia e Kosovës.

Rasti është përfshirë edhe në raportin 24-orësh të policisë.

“NGACMIM SEKSUAL/Pejë 11.05.2023-09:00. Me datë 15.05.2023 viktima femër kosovare ka njoftuar policinë se është ngacmuar seksualisht nga i dyshuari mashkull kosovar. I dyshuari është arrestuar dhe pas intervistimit me vendim të prokurorit është dërguar në mbajtje”, thuhet në raportin e PK-së.