Ian Maatsen ndërpreu pushimet e tij luksoze në Greqi kur u ftua nga Ronald Koeman për t’u bashkuar me Kombëtaren e Holandës, por përfundoi duke mos luajtur asnjë minutë në Euro 2024 dhe nuk arriti të bënte emër.

Mbrojtësi i majtë ishte duke pushuar në ishullin e Mykonos me të dashurën e tij Emely Tuinder, duke kaluar kohë dhe duke u relaksuar në një jaht prej 500 mijë funtesh, kur mori thirrjen për të zëvendësuar të dëmtuarin Teun Koopmeiners.

Maatsen e pranoi ftesën, madje babai i tij udhëtoi gjashtë orë në Gjermani për t’i sjellë këpucët dhe pajisjet e nevojshme, por ishte e kotë.

Futbollisti i ri 22-vjeçar nuk pati mundësi të luajë dhe nuk luajti asnjë minutë në Euro 2024 dhe përfundoi në mënyrë famëkeqe paraqitjen e tij në Kampionat Evropian ku Holanda arriti në gjysmëfinale.

Ndryshe, Maatsen luajti një gjysmësezon të jashtëzakonshëm te Borussia Dortmund pasi arriti në huazim nga Chelsea.

Ai shënoi pesë gola në të gjitha garat në 23 ndeshje, ndërsa në sezonin e ri do të luajë për Aston Villa, në të cilën kaloi për 44 milionë euro.