Pas zëvendësimit të ministrave, këtë javë ndryshimet në qeveri janë bërë në nivel zv. ministrash.

Në mbledhjen e kësaj të mërkure qeveria ka miratuar emërimin e Eralda Methasanit zv. ministre të Integrimit, Redi Shtinon si zv. ministër në Arsim, Kledi Xhaxhiu si zv.ministër i Mjedisit dhe Eridian Salianji si zv.ministër i Drejtësisë.

Salianji do të zëvendësojë në këtë post Idlir Peçin, i cili do të kalojë si zv.ministër i Mbrojtjes.

Pothuaj një muaj më parë një tjetër rrokadë u bë në rang zv.ministrash, e më pas largimi nga qeveria i minsitrit të Financave Shkëlqim Cani.