Sipas të dhënave nga Agjencioni i Statistikave të Kosovës, gjatë viteve të fundit trendi i emrave ka ndërruar.

Më 2011 emri më i shpeshtë për fëmijët femra ishte Sara, ndërkaq për djemtë Dion.

Në 2012-tën ishin gjithsej 122 Tuana të regjistruara, të lindura po atë vit, nderkaq nga djemtë u regjistruan 126 persona me emrin Leon, e që ka prejardhje latine, me domëthenie Luan.

Në 2013-tën Kosovës iu shtuan 154 Alea e 122 fëmijë me emrin Diar që ishin emrat më të shpeshtë për atë vit.

Por sipas statistikave, emra shqiptarë, tani ka më pak.

Një trend i tillë nuk po u pëlqen historianëve, pasi me vënien e emrave jo fort të kuptimtë, po  rrezikohet identiteti kombëtar.